سوالفنأأأأأ

موضوع: سوالفنأأأأأ الجمعة يونيو 06, 2008 9:28 am

السلام عليكم

وشلون يابعد تسلوتي انتم

صز بعضكم مستحي وحالته حاله يقول ما اعرف اكتب cheers

شف ان تسانك مسط ولد جيرانكم يوم انت صغير وسارق سيكله

تعال شخمط هنا محنب قايلن لك شي

نبدا Basketball

بس
هع هع هع هع هع

تسيف الحال انشالله انكم طوووووويبين بس

<<< تراه وده يهمق .. يهمق اي يسولف ...

تصدقون عاد اني مشتاق لكم شوق لو يوزع على الكوره الارضيه رجعتوا الباقي << لعلك منثبر بس Very Happy

شوق الحككم للكوره .... شوق البنقالي للسرق .. شوق مشعل للبسي << تراه مسكت على اشواق
هع هع هع

الصدق مابش شي بخاطري يشخمط لكن ...

يقولوك هذا واحد راح لم جده يوم شاف البحر قال والله ما ارجع للسعوديه << بايخه شف غيرها Evil or Very Mad

تصدقون عاد اني مشتهن شاهي الحين من ام عيون كبار نورمان شغاله خالتي ميثاء

بس انا هدر؟

مرتن هذي ام عيون كبار نورمان غمزت لي وانا اعلم خالتي عليه وهي تسفره ياحول قطعت رزقه

<< تسانه يتميلح حدك شغاله بس لعلك منخس

مير على طاري الشغاله بقولكم سالفه صليحه

اول شي احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها bounce

انا اقول لامي احس انها مسكونه بجني كان يشارك في اختراق الضاحية <<< مير على طاري اختراق الضاحيه مره منذ مبطي شاركت جلست يومين عقب السباق يهز راسي مدري وش جاه Laughing

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال << شكله بيجر الوطنيه هع هع

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه

انا احس انها ما قد شافت بشر ولا تدري وشلون يتعاملون مع بعض

تقدرون تقولون انها مخروشه وفي روايه اخرى سبيكه Laughing

المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي<< حس ان بعض نص تبي تطبق الطريقه

تراه سنعه بس لا تجربه باخر الليل تسبب ازعاج Rolling Eyes

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه

بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ

<< ياملغي بعد
عني ما يبقى على الا سروال النص

المهم حمامي الله يعزكم جوا غرفتي

المهم يوم فسخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني سواها قلبي يعني قمة الطرب

واستعرض عضلاتي والعب كارتين << قصدي كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع
وارفسه برجلي خخخخخخخخ Very Happy

وبقية الحركات اللي انا دايم اسويها بشرط ما يكون عندي احد

عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرح الحين

عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابــــــــــــــــــ ـــــد cheers

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا
silent

وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي
كان انا اللي بطلب من اهلي يسفروني انا مو هي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااا اام على الحظ <<< يويلك يويلك يويلك

انا والشغاله بغرفة نومي والغرفة مقفله وانا كاسي عاري ما علي الا سروال نص

يعني امي لو هي عمياء بيروح علطول بالها لذاك الشي

يعني التهمة لبساني لبساااااني

,,,,.....الجزء الثاني .................... ......علشان تعيشون معي الموقف
انا ما علي الا سروال نص والشغاله جنبي واقفه ,,,والباب مقفل وورى الباب امي

وانا اعرف امي ماراح تروح الا اذا فتحت الباب

في هاللحظه .... خطرت في بالي فكرة انما ايه ما تخرش الميه<< جاكم المصري
لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ<< والله يانت تبي تسطر بعد <<< يحس انه يبي يلفع

فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك محمد وين جدتك بسرعه انا اكلم من برا

فقام البزر يصوت لامي خااااااااااااااااالي محمد بالتلفووووووووووووون

امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ

تبون نحط فاصل اعلاني Very Happy

قصم يا احسكم متحمسين هع هع هع
المهم رمقتها بعيني يعني وش تبين قالت لا بابا افتح الباب لا بابا حراااااااااااااااااا ااااااااااااااام لا باب ايش يبغى انت لا بابا انا حرمه كبير انا حرمه فيه بيبي حراااااااااااااااااا ااام بابا

ياسلاااااااااااااااا اااااااااااااااااااا اام الاخت فاهمه غلط تحسبني اسوي كل ذا علشااااني ابيهاااااااااااااااا اااااااااااا
مدري اضحك والا اصيح والا وش اسوي فيها<< من يبي يدق على شهار يحجز لي بس

من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي <<<<< قويه شوي خخخخخخخخخخخخخخخخخخخخ خخخخخ

المهم الآدميه مصره << انتبهوا بوضع الهمزه
تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه
... في هاللحظه فتحت امي الباب
ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت
اللللللللللللللللللل لللله اكبررررررررررررررررر رررر<<<<< ايه سويت نفسي اصلي واسجد خخخخخخخخخخخخخخخخخخخخ خخخخخخخخخخخخ

قايلكم ان مدغدغ مشتهن يلفع اليوم صح
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري

امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت

وقفت امي شوي وانا قاعد اصلي واقول في نفسي اشوى انها ما انتبهت اني متفسخ

المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى لساني << لا احد يقل اللسان ما يبلع الا بعذري قصم قصمات جان شي اوب طبيعي
قالت اجل تصلي,,,, زين بس ترى القبله غرب وانت تصلي شرق><<< طاحت بي طاحت بي خلاص

وطلعت وصبخت بالباااااب بقوووووووووووه

يووووووووووووووووووو ووووووووووووه انوااااااااع الصدماااااااات ياربيه وش اسوووووووي
واقعد افكر يارب وش اسوي والله اني مظلووووم <<<<<<رحمتوني صح
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت اسمعي
الصدق مجراه والكذب مفراه<< شفتوا اني مثقف بس بسم الله علي
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيني صدقتني
بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ

بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ

اخوكم

مشعل

هههههههههههههههههههههههههههههه

يعطيك العافيه اخوي مشعل

ولاتحرمنا جديدك

دمت بود

مسيكم بلخير يا احلى صبايا واشين شباب
خذو هذي السالفه الحقيقه بس تري فيها تبهير وتزويد ومبالغه مني
وهذي حاصله من زمان يوم عمري 16 سنه بلياليه
كنا ساكنين في الشميسي ايام الشميسي كنها التحليه ايام الببسيه بربع ريال وايام العلك بقرشين والبسكوت ابو ميزان باربع قروش وايام الشاورما لحم ماكان فيه دجاج
اااااااه ياذيك الايام
درست هناك يوم وصلت اولى ثانوي شراء لي جدي سياره(( ياليته ماشرها)) مع اعتراض امي وابوي
بس ذلني فيها 24ساعه معي كنه خويتي
وكل ماقلت له يايبه (( جدي) انا مشغول قال اقطع واخس يالسمرمدي
تصدقون من الجبروت والدكتادوريه اللي فيه يقومني الفجر علشن اوديه للمسجد
المشكله ان المسجد قدام البيت
ثم سوق العلف وبعدها سوق الرخوم وبعدها عماتي (( سواق عنده)) تعرفون وش السياره
هايلكوس 77م
اجل لوه معطيني (( ماي باخ)9<<< تم الحذف ماعليش (( والله اني قليل ادب ماعليش تحملو الفظي ))
وبعد ما يسلم على عماتي (( ياشينهم ... يشبهونه))
بس هو بلحيه وهم بدون
واكره اسلم على عمتي
لين سلمت عليها جاني ناقص في الاكسجين لانها تحط رأسي على صدرها وتخمني وينقطع عني كل شي من نور وهواء وغيره
غير الريحه (( ميت فار ببطها))
لين خلصت الخمه صار وجهي ازرق من قل الاكسجين ويجي ضعف في جسمي ودوخه كله من الخمه
اوقف عند الدكان واشرب عصير (( الجواهر الثلاث او قها)) علشان ترد الروح فيني
وبعد ما نتحرك يقول ابوي (0 جدي) ودني للمقيبره سوق الخضره اقول تعبت يقول اقطع واخس يالهيس الاربد
اروح به للمقيبره
المشكله كل مقاضيه قرع وجح وجراوه
ماقد جاب تفاح موز برتقان
مررره قلت له ابغى موز قال اقطع واخس ويتفل على تفله غطت وجهي (( ريح تفلته هيل مع عويدي )
اجل لوني قايل ابغى فراوله كان ......... والا بلاش عيب
المهم اشيل الجح والجراوه والقراع واوديها للسياره
بعد الظهر نصير في البيت
ادخل المقلط ابغى انوم من التعب
اسمع صوته الجهوري الاملس امليسان تعال وانا ابوك ودني للمقيبره
قلت تونى جايين
قال لاعب علي الزيدي حق الجح
وجلست احسب معه ساعتين
تصدقون بغيت استأجر محاسبون قانيون علان ذالموضوع
ولا لعب عليه الا بريال وشكل الزيدي ماعرف يعد
المهم قالت له ارحم ولدي
تراك تعبتاه
وعارف ان جدي مايحب امي لانها تدافع عني ولين صارت فيه مايطلب مني شي (( عالم تخاف ماتختشيش))
المهم مارحنا
وطول اليوم متنكد ويكلم روحه ويأشر بصبعه
يوم شفته كذا قلت يلله يبه(( شفتو اني بار)) (( فيه ناس بتستخف دمها وتقول ديسكو))
يوم نقز كن قارصته عقرب (( وشذ النشاط))
واول يدلع علينا
رحنا للسوق
ويتلاقط مع الزيدي وكل سب ابوي اقطع واخس وكل من تدخل قال اقطع واخس
وانقلب ابوي عدوني
المهم بعد جهد جهيد فضينا النزاع واستلم ابوي الريال كامل مكمل مع حبه مع الراس وشلخة جحه
يوم ركبنا السياره ويتسلط على
يالسمرمدي والسربوت يالداشر
لين شفت امك تمرت علي يالكلب والحمار والتيس (( جميع حديقة الحيونات) حطها فيني
والله لو اشوفك مسويها لا احط اذني واذنيك اربه
توني ابقول اااااا قال اقطع واخس (( يعني نهاية السالفه)
المهم قطعت وخسيت وصلنا للبيت يوم دخل لين امي في وجهنا قالت وش سويتو قلنا خلاص انتهت المشكله واناظر جدي مسوي نفسه الحمل الوديع
وصار يوميأ على ذالحال الصبح اروح تخنقني عمتي الظهر جح وجراوه
ومررره وانا نايم الساعه 3 الفجر حسيت برجولي شي يطعنها واقوم مرتاع والقى جدي في وجهي الساعه 3
انا توقعت انه سكران
جالس يطعن رجلى بعصاه علشان اقوم
قلت سم يبه
وانا اقرب منه ابغى اشم فمه كان فيها ريح اسكار والا كلونيا
الوضع صار طبيعى
قال قم بنروح لاختي في ثادق (( ذبحنابذالاخت بسكال مشعلاني))
قلت طيب بعد الفجر . قال قم سو لي قهوه(( صرت سواق وشغله عنده) (( يعني اثنين في واحد)
المهم قمت وانا اجر اذيال الهزيمه واروح للمطبخ وسويت له قهوه
تصدقون جالسين نشرب القهوه في غرفتي علشان امي ماتقوم ومطفين الانوار(( كننا نشرب عرق))ناقص جبن وخيار
صلينا الفجر ومرينا المحطه وعبينا بنزين ورحنا يوم جاء الصبح الا عند بيت اخت جدي دخلنا لينها مولمه القهوه والقدوع تقهوينا جابت المراصيع مع الحليب سعة صدر عندها
رحنا للنخل حق رجلها انا وابوي وطول تمشينا وهو مطاقه مع المزارعين(( مسوي نفسه فاهم)
وكل ما تدخلت قال لي عبارة المشهوره (( اقطع واخس))
جاء بعد الظهر لين عمتي مولمه الغداء كبسة لحم مع قرع مع بيدجان وصافه علوب الحبحر فوقها ومع زلطه مع غظارة لبن
المهم تغدينى ودخت
قلت يبه ابنام قال جعلك نومت اهل الكهف
قال بنرجع للرياض
(( تصدقون اشك فيه يستعمل حبوب))
المهم ركبنا في السياره الله لا يعيدها
معاد اشوف اهلي ولا اصدقائ ولا خلاني
كله ناشب فيني ابوي
وعيال عمي وبناتهم غايرين مني كنه معطيني (( كنوز كسرى .. وش رايكم بالتعبير)مادرو انه ذالني
رجعنا للرياض يوم وصلنا قال خلنا نمر سوق الزل اشتري بشت(( ماقلت لكم انه يستعمل))
واكع ذالفرامل الليكلن سمعها من قوتها حتى هو لازق في القزازه
نزلت ورميت المفتاح عليه وجلست اركض بالشارع مرررره اصيح ومرره اضحك واشقق هدومي وامعط شعري انهبلت
المهم مالقوني اهلي الا بعد اسبوع في احد مخارب الدرعيه نايم
والله لاقاني اثنين من الشباب متوزيين يدخنون
استلمتني الشرطه وسلموني اهلي
لقيت امي مريضه من فراقي المر وابوي منكسر الخاطر من لوعة بعدي
وانا داخل هزيل مريض التفت يمين ويسار ادور جدي مالقيته
والله خفت عليه .. مهما يكون ابوي لوه مستبد جبار
سالت عنه قالو في غرفة قافل على نفسه ضايق صدره عليك
(( بس اكتشفت انه ماهو ضايق صدره علي خايف من أمي))
رحت له وانا اسحب رجولي من التعب والمرض والهزل
واطق عليه يوم فتح الباب يلقيت كم حبة دمعه على وجنتيه
المهم تعنقنا عناق حار
وجلسنس على سريره وطلع لي قريض وسيسبان وبعض من حب القرع المملح
جلسنا نسولف ويتاسف مني
المهم اسمع امي تقول الغداء جاهز
وانا طالع نادني جدي قال وش رايك توديني لختي بكر
قلت لاختك بعد اليوم تدعني اموت بسلام قبل ان تاتي العاصفه(( اموت على الاسلوب الخرافي))
وتمت السالفه بحمد لله
وشكرا على تتبعكم معي

<<<<<<<< اذا شاف فيه ردود تهبل يبي يكثر سواليف

بقولكم سالفه المصري

هع هع هع

تكفون لا احد يرد شكرا

يرد زي الناس

قصم انه دهر

هع هع هع

تكفون لا احد يرد شكرا

يرد زي الناس

قصم انه دهر

هع هع هع

هههههههههههههههههههههههههههههههههههههههه
هههههههههههههههههههههههههههههههههه

قصم انك مرجووووووووووووج خخخخخخخخخخخخخخ

الله يشفيكم حشى مو سوالف هذي تقول مقاله في جريده ههههههههههههههههههههههههههه

لا تعيدها مره ثانيه

لي باك

^_^